LA FRICASSA

Chau : 1 quilò de tartifles « BINTJE », 8 culhièraas a sopa d’òli de vira-solelh, 4 venas d’alhet, sau.

• Plomar, lavar e copar los tartifles d’abòrd en dos puèi en tranchas pas tròp finas.
• Far chaufar l’òli dins la padèla, botar los tartifles.
• Far daurar en borlant délicatament daube l’espatula de boès. Cubercelar, redurre lo fuòc e laissar cuèire 15 minutas.
• Ajotar las venas d’alhet pelaas e quartejaas, salar, tornar cubrir e laissar encara cuèire peraqui 15 minutas.
. Servir chaud daube una salada verda.

A la prima, fricassar de tartiflons « ratas » que son de rasclar e de laissar entièrs.

Totas las recèptas de tartifles

Totas las recèptas de mai

Français

LAS CRICAS

Chau : 10 tartifles « BINTJE » un pauc gròs (peraquí 1 quilò), 1 uòu, 4 venas d’alhet, sau, 12 culhièraas a sopa d’òli de vira-solelh.

• Plomar, lavar, raspar los tartifles e mai l’alhet daube una raspa per lo fromatge.
• Ajotar l’uòu, la sau, ben mesclar.
• Far chaufar l’òli dins la padèla, i depausar lo mescladís a chaa culhièraa a sopa, aplatar un pauc daube una forcheta, far daurar d’un costat, revirar per far daurar l’autre costat (peraquí 8 minutas de chasque costat).
• Garar las cricas de la padèla, dépausar un momenton sus de papièr pompaire.
. Servir puèi daube una salada verda pron vinagraa. N’i a qu’aman mièlhs botar una raiada de vinagre sus las cricas.

Se de besonh, rajotar un pauc d’òli dins lo corrent de la cuèisson. Lo mescladís se pòt tanben versar d’un còp dins la padèla per far una gròssa crica de laissar cuèire 20 minutas puèi de virar daube un cubercèl per far cuèire l’autre costat encara 20 minutas. Per servir partajar coma una omeleta. Es lo biais de far lo mièlhs autentic, mas la cuèisson es un pauc délicata qu’avèm pas pus las grandas padèlas nègras que nòstras mametas pausavan sus lo trepès de la chaminèia. Las cricas son de segur l’especialitat culinària de l’Ardecha, mas fau saupre que i a de nombrosas variantas: n’i a que botan ges d’uòu, d’autres botan de persil, de làpi, de ceba, de crèma, de farina ecc.. Se ditz que quasi chasca familha a son biais de far las cricas !

Totas las recèptas de tartifles

Totas las recèptas de tot l’an

Français

LO « BRUTLA-GOLA »

Chau : 800 gramas de tartifles  » BINTJE « , 3 uòus, 1/2 l. de lait, 1 nose de burre, 2 venas d’alhet, sau e pebre

• Plomar, lavar los tartifles.
• Far cuèire a la vapor (12 mn).
• Passar a la molineta a legumes.
• Ajotar los uous batuts, lo lait, lo burre, l’alhet menusat.
• Salar, pebrar, enfornar 30 minutas (200°).

Èra lo gratin dau dimenche, per reçaupre la parantèla.

Totas las recèptas de tartifles

Totas las recèptas de tot l’an

Français

LA « BOMBINA »

Chau : 1 quilò de tartifles « BINTJE », 125 gramas de lard magre salat, 4 venas d’alhet, 2 fuèlhas de laurièr, sau e pebre

• Plomar, lavar e copar los tartifles en rondèlas dins una coquèla en fonta esmalhaa.
• Ajotar lo lard copat en carrelons, l’alhet menusat, lo laurièr, un pauc de sau, e de pebre.
• Recubrir d’aiga, cubercelar e far cuèire rondament 30 minutas, deu pas gaire restar d’aiga
. Servir.

La bombina se pòt tanben far cuèire dins lo forn: Botar los tartifles copats, lo lard, lo laurièr, sau e pebre dins un plat per lo gratin, recubrir d’aiga, enfornar e laissar cuèire 50 minutas (200°). En estiu, ajotar doas tomatas ben fachas, pelaas e desgranaas. Fòra l’estiu, povetz de segur, botar de tomatas congelaas.

Totas las recèptas de tartifles

Totas las recèptas de tot l’an

Français

LOS TARTIFLES RONDS

Chau : 1 quilò de tartifles  » Bintje  » o  » Charlòta  »

. Lavar los tartifles.
. Far cuèire a la vapor (12 a 15 mn. segon gròssor).

Los tartifles ronds se pòvan servir chauds:
. Daube de sau e de burre.
. Daube de toma frescha.
. Daube de salada de toma.
. Daube de salada verda.
. Daube de salada de cocombre.
. Daube d’òli d’oliva o de chaul, de vinagre e de sau (chascun fai sa vinagreta dins son assièta e fai sauçon daube sos tartifles)
. Fin finala, acompanhan fòrça fricots de vianda o de peisson.

Totas las recèptas de tartifles

Totas las recèptas de tot l’an

Français

AUCÈLS SENS TÈSTAS

Chau : 4 tranchas finas de fetge de caion, 4 tartifles  » Bintje  » (pas tròp gròs), 4 fuèlhas de bletas, 4 bardas de lard magre salat, 4 escalonhas, 3 culhieraas a sopa d’òli d’olive, sau e pebre

• Plomar e lavar los tartifles.
• Lavar las fuèlhas de bletas.
• Sus una plancha, dispausar las bardas de lard, botar dessús dins l’òrdre : las fuèlhas de bletas, las tranchas de fetge, salar, pebrar, achabar per los tartifles. Rotlar, ficelar.
• Dins la còcòta minuta, far chaufar l’òli, botar los « aucels », far revenir de totes los costats, ajotar las escalonhas menusaas, quand son dauraas, banhar daube 1/2 tassa d’aiga, sarrar la còcòta, laissar cuèire 15 minutas. Desficelar, servir daube lo jus e de mostarda a l’ancièna

Totas las recèptas de caion

Totas las recèptas de tot l’an

Français

LO GRAS DOBLE

Chau : 3 liuras de tripas blanchiás, 1 liura de tartiflons « ratas », 4 culhieraas a sopa d’òli d’oliva, 2 gròssas cebas, 1 vena d’alhet, 2 pastenalhas, 1 cuilhèraa a sopa acuchaa de farina, 2 veires a mostarda de vin blanc sec, 1/4 l. d’aiga (peraquí), 2 fuèlhas de laurièr, 2 branchilhas de frigoleta, sau e pebre

• Dins la còcòta minuta, far chaufar l’òli, far revenir las cebas e las pastenalhas menusaas. Saupodrar de farina, banhar daube lo vin blanc e l’aiga.
• Ajotar las tripas copaas en carrats, lo laurièr, la frigoleta e l’alhet menusat.
• Salar, pebrar,sarrar la còcòta, laissar cuèire 1 ora.
• Transvasar dins una coquèla de tèrra, ajotar los tarliflons plomats (cuèits, 7 minutas, a la vapor, per plomar d’aise).
• Cubèrcelar la coquèla e botar au forn chaud (190°) 1 ora de temps. Servir dins la coquèla

Totas las recèptas de buòu

Totas las recèptas de tot l’an

Français

LAS BOLETAS

Chau : 4 a 6 tartifles « Bintje », 2 venas d’alhet, quauques brins de persil, las rèstas dau bolhit, 2 uous, farina, oli pet fricassar, sau e pebre

• Plomar, lavar e far cuèire los tarlifles a la vapor (12 minutas).
• Passar los tarlifles a la molineta a legumes.
• Ajotar la vianda, l’alhet e lo persil chaplats, los uòus, sau e pebre. Mesclar ben tot ensems.
• Far de boletas de la gròssor d’una culhieraa a sopa, enfarinar.
• Dins una padèla far chaufar pron d’òli per far daurar las boletas de chasque costat (aplatar un pauc daube una forcheta).
• Quand son ben dauraas, esgotar sus de papièr pompaire. Servir daube una salada verda

Las boletas se pòvan far daube las rèstas de rostits de vèl, de caion o de polalha

Totas las recèptas de buòu

Totas las recèptas de tot l’an

Français

COSTELETAS D’ANHÈL A L’ARDECHÈSA

Chau : 8 costeletas descubèrtas o 4 ronhonadas, 800 gramas de tartifles «Bintje », 100 gramas de lardons magres salats, 1 ceba, 2 culhieraas a sopa d’òli d’oliva, 2 venas d’alhet, 2 fuèlhas de laurièr, 2 branchilhas de frigoleta, 3 tomatas freschas o congelaas, sau e pebre

• Far chaufar l’òli dins una cassairòla, far revenir la ceba menusaa e los lardons.
• Garar dau tuòc.
• Plomar, lavar e copar los fartifles en rondèlas.
• Oliar un plat anant au forn.
• I botar las rondèlas de tartifles, la ceba, los lardons, las tomatas pelaas e desgranaas, l’alhet menusat, lo laurier, la frigoleta.
• Salar, pebrar, cubrir d’aiga.
• Far cuèire au forn pendent 40 minutas (220°).
• Botar las costeletas sus los tartifles.
• Laissar cuèire encara 20 minutas
. Botar un pauc de sau sus las costeletas e portar lo plat sus la taula

Totas las recèptas de anhèl

Totas las recèptas d aost

Français

TÈSTA EN SALADA

Chau : La tèsta dau cabrit, 8 tartifles  » Belle de Fontenay ou Charlotte », 2 pichòtas cebas blanchas, 2 cornissons, 2 uòus, qauques brins de persil, sau e pebre, vinagreta a la mostarda

• Far cuèire los tartifles a la vapor, los plomar, los copar en rondèlas sus lo plat de servici.
• Far cuèire au cort bolhon la tèsta (20 minutas a la còcòta minuta), la laissar refresir, la desossar.
• Copar la vianda mai la cervèla en morsèlons sus las rondèlas de tartifles.
• Far cuèire los uòus 10 minutas, los refresir, plomar e copar sus la viande.
• Saupodrar daube las cebas, los cornissons e lo persil menusats. Arrosar daube la vinagreta a la mostarda

Totas las recèptas de cabrit

Totas las recèptas de abriu

Français