LAS CALHETAS

Chau : 500 gramas de tèsta de caion cuèita e desossaa, 800 gramas de charn magra, 600 gramas de  » gorgeron « , 300 gramas de fetge, 2,5 quilòs d’èrbas (fuèlhas de blètas, escarola, frisaa, laitissons, risòlas (davant florason) ; es ben de botar au mens doas menas d’èrbas), un bèl morsèl de coèifa, sau (40 gramas), pebre

• Triar, lavar las èrbas. Plonjar dins d’aiga bolhenta, comptar 10 minutas de cuèisson dau moment que l’aiga torna bolhir.
• Esgotar, rinçar a l’aiga frescha. Pressar daube las mans per eissaurar. Au besonh, sarrar e esquichar dins un torchon. Deu ges restar d’aiga.
• Botar la coèifa a trempar dins d’aiga chaudeta.
• Chaplar vianda e èrbas daube lo chaplador (grilha moiena).
• Ajotar sau e pebre.
• Travalhar daube las mans.
• Totjorn daube las mans far de bolas dau mescladís de davant, ensarrar dins un morsèl de coèifa, plaçar dins un plat anant au forn.
• Enfornar a 180°, peraquí 1 ora 20.
• Tirar dau forn, arrosar d’una bona rasada de vin roge, tornar enfornar 5 minutas. Servir chaud. Acompanhar de tartifles a la vapor o d’una purèia de tartifles

Las calhetas pòvan se minjar soletas, chaudas o fredas. Son de bon congelar. Sufis, quand son descongelaas, de las passar 10 minutas au forn (180°)

Totas las recèptas de caion

Totas las recèptas de març

Français

SALADA DE PASCAS

Chau : 1 còr d’escarola, 1 cor de frisaa, 1 còr de celeri mai las fuèlhas blanchas, 4 fialats d’anchòias a l’oli, 2 jaunes d’uòus ronds

De preparar coma la salada de Chalendas mas quand la salada es ben bolegaa dins la sauça, daube la molineta a fromatge, raspar dos jaunes d’uòus ronds au dessús per far de « mimosa »

Acompanha los gigòts d’anhèl o de cabrit

Totas las recèptas de saladas

Totas las recèptas de tot l’an

Français

LA SALADA DE CHALENDAS

Chau : 1 còr d’escarola, 1 cor de frisaa, 1 còr de celeri mai las fuèlhas blanchas, 4 fialats d’anchòias a l’oli

• Triar, lavar, essaurar la salada e lo celeri.
• Menusar lo còr de celeri.
• Esquichar los fialats d’anchòias dins una vinagreta alhaa.
• Mesclar salada e celeri dins la sauça e servir

Aquèla salada acompanha la dinda de Chalendas o la fricassèia de bodin

Totas las recèptas de saladas

Totas las recèptas de tot l’an

Français

LA SALADA AU PICAUDON

Chau : 1 batavia blonda o bruna, 300 gramas de rogeta, 1 picaudon sec, 1 pom de reineta, 12 chambas de noses copaas en dos, Vinagreta a la mostarda mai 1 vena d’alhet. Per la garnitura : 1 pom roge per batavia blonda, o 1 pom jaune per batavia bruna o rogeta

• Triar, lavar, essaurar la salada. • Pelar, copar lo pom de reineta en morselons, botar dins la vinagreta alhaa, mesclar, ajotar puèi, las noses, la salada, bolegar ben, copar lo picaudon sus la salade, mesclar delicatament. • Lavar, panar lo pom per la garnitura. Copar en tranchas de picar a l’abochon dins la salade per far jòli e servir

Totas las recèptas de saladas

Totas las recèptas de tot l’an

Français

LA SALADA ARDECHÉSA

Chau : 1/2 frisaa e 1/2 escarola ben blanchas, 150 gramas de lardons magres, fumats, 20 chastanhas cuéites a l’aiga e despelaas, 2 culhieraas a sopa d’òli d’oliva, vinagreta a la mostarda, mai una vena d’alhet

• Triar, lavar, essaurar la salada.
• Bolegar de temps daube la vinagreta alhaa.
• Far chaufar l’òli dins una padèla, far revenir prestament los lardons e las chastanhas.
• Versar sus la salada, mesclar delicatament e servir

Las chastanhas sos voide convenon fòrça ben per aquela recèpta e fan qu’aquèla salada se pòt servir fòra la sason de las chastanhas. leu, la servo de la Totsants fins Pascas

Totas las recèptas de saladas

Totas las recèptas de novembre

Français

LA SALADA DAUS CHAMPS

Chau : 400 gramas de laitissons, 50 gramas d’anhelets, 4 uòus ronds copats en dos, 8 sardas dessalaas o 12 fialats a l’òli d’oliva, vinagreta a la mostarda, mai 2 venas d’alhet

• Triar, lavar, essaurar los laitissons e los anhelets.
• Bolegar de temps dins la vinagreta a la mostarda alhaa.
• Garnir daube los uòus e las sardas.

A la prima, es aisat d’acampar de laitissons dins los charnps, tanben los anhelets mas son pas tant abondants!

Totas las recèptas de saladas

Totas las recèptas de març

Français

LA SOPA VERDA

Chau : 2 tartifles, 2 pastenalhas, 2 pòrres, 6 laitissons, 1 punhaa d’ortias noveletas, 1 brancha de làpi, 200 gr. de lard o 2 culhieraas a sopa d’òli d’oliva

• Triar e lavar totes los legumes.
• Botar a cuèire dins 1 litre e mieg d’aiga bolhenta salaa, ajotar l’òli o lo lard.
• Sarrar la còcòta minuta e laissar cuèire 25 minutas.
• Escrasar daube lo trissador o passar a la molineta o mixar.

A la prima, minjar aquela sopa per espurgar lo sang de totes los « vices » aduts per l’ivèrn !

Totas las recèptas de sopas

Totas las recèptas de Març

Français