LA TARTA ARDECHÉSA

Chau : 2 uòus, 100 gr. de sucre, 100 gr. de farina, 100 gr. de burre, 1/2 saqueton de levura, 2 o 3 poms de reineta.

• Batre los uòus a la forcheta daube lo sucre.
• Ajotar la farina e la levura, puèi lo burre fondut.
• Versar dins una tartièra burraa.
• Pelar e desgranar los poms, los quartejar.
• Renjar los morsèls de poms abochon per dessús la pasta, après i aver bailat tres còps de cotèl per imitar de tranchas.
• Enfornar dins un forn chaud e far cuèire 20 à 25 minutas a 180°.

A la prima, remplaçar los poms per un bòle de cereisias descresaas.

Totas las recèptas de dessèrts

Totas las recèptas de janvièr

Français

LOS BINHETS DE POMS

Chau : 250 gramas de farina, 2 uòus, 1/4 de l. de lait, 2 culhieraas a sopa d’òli de vira-solelh, 1 pinçaa de sau, 6 poms de reineta, òli per fricassar

. Dins un saladier, far una font daube la farina, botar la sau, l’òli, los uòus, mesclar docetament en banhant daube lo lait. . Plomar los poms de reineta, copar en rondèlas de 1/2 centimètre d’espés. Daube un cotèl ponchut garar lo còr e la granetas. . Dins una padèla, far chaufar l’òli per fricassar. . Plonjar las rondèlas de pom dins la pasta, far fricassar. Quand los binhets son cuèits daus dos costats, esgotar sus una servieta blancha (o de papièr pompaire) e saupodrar de sucre. Minjar chaudet.

Totas las recèptas de dessèrts

Totas las recèptas de febrièr

Français