PASTENALHAS AU LARD

Chau : 1 quilò de pastenalhas, 125 gramas de lard magre fumat, 3 culhieraas a sopa d’òli d’oliva, 4 venas d’alhet, 1 pichòta punhaa de persil, sau e pebre.

• Rasclar, lavar las pastenalhas. Copar en rondèlas.
• Far cuèire 5 minutas a la vapor.
• Far chaufar l’òli dins la padèla, i far revenir lo lard chaplat. Ajotar puèi las pastenalhas, salar, pebrar e laissar mitonar 25 minutas en borlant de temps en temps.
• Saupoudrar de persilhada, borlar e laissar encara 5 minutas sus lo fuòc.
. Servir.

Totas las recèptas de legumes

Totas las recèptas de tot l’an

Français

PESES A LA PAÏSANA

Chau : 2 quilòs de peses, 4 pastenalhas, 12 pichòts inhons blancs, 8 tartifles  » ratas » o  » charlòtas « , 1 cor de laituá, 150 gramas de lardons magres fumats, 5 culhieraas a sopa d’òli d’oliva, sau e pebre.

• Desfaire los peses, rasclar las pastenalhas e los tartifles, triar la laituá, prene lo còr, (gardar las fuèlhas per la salada), pelar los inhons. Lavar.
• Dins una còcòta en fonta esmalhaa, far chaular l’òli, far revenir los lardons.
• Ajotar los peses, las pastenalhas copaas en rondèlas, los inhons, los tartifles copats en dos o en 4 segon lor grossar, lo còr de laituá, salar, pebrar, cubrir d’aiga.
• Cubercelar e laissar gargatar 30 a 40 minutas.

Totas las recèptas de legumes

Totas las recèptas de mai

Français

LA POLA BOLHIÁ

Chau : 1 pola, 1 ceba picaa de 2 clavèls de girofle, 4 pastenalhas, 4 navets, 2 porres, 1 brancha d’api, 2 fuèlhas de laurièr, 2 branchilhas de frigoleta, sau e pebre

. Plomar e lavar los legumes, los botar dins una marmita pron bèla daube la ceba, lo laurier, la frigoleta, l’api, sau e pebre.
. Cubrir d’aiga, far prene lo bolh.
. Plonjar la pola dins lo bolhon, cubrir e far cuèire 1 ora e mieja.
. Tirar la pola dau bolhon, saupodrar sul pic daube una culhieraa a sopa de sau gròssa.
. Descopar la pola e servir daube los legumes a son entorn. Acompanhar de mostarda a l’ancièna e de cornissons

Lo bolhon de pola se minja coma lo bolhon dau bolhit, daube de crostets e de fromatge raspat, de chastanhas, de vermicèlis. Èra tengut coma reviscolaire, es per causa que lo bailavan aus malauts e surtot a las acochaas

Totas las recèptas de polalha

Totas las recèptas de tot l’an

Français

LA TÈSTA DE VÈL

Chau : 1/2 teste de vèl rotlaa daube 1/2 lenga en dedins, 1 ceba picaa de 3 clavèls de giròfle, 4 pastenalhas, 3 fuèlhas de laurièr, 2 branchilhas de frigoleta, 1 brancha d’api, 2 culhieraas a sopa de vinagre de vin, sau e pebre

• Botar la tèsta de vèl dins la còcòta minuta, cubrir d’aiga freda, far virar la sopapa 5 minutas.
• Esgotar, rinçar.
• Lavar la còcòta i tornar botar la tèsta de vèl mai la ceba, las pastenalhas, la frigoleta, lo laurièr, l’api, lo vinagre, sau e pebre. Cubrir d’aiga freda.
• Sarrar la còcòta, laissar cuèire 50 minutas.
• Servir chaud daube las pastenalhas e una sauça verda.

Los pès de vèl s’aprèstan dau mème biais. La tèsta de vèl èra serviá en intraa los jorns de fèstas familhalas e tanben los jorns de gròs travalhs quand i aviá una ardaa de travalhors a nurrir (meissons, vendemias, ecc.)

Totas las recèptas de vel

Totas las recèptas de setembre

Français

SOPA A PLANTA CULHIÈR

Chau : 2 tartifles, 2 pastenalhas, 2 pòrres, 100 gr. de gruts de blat, 100 gr. de faiòus blancs, 50 gr. de ceses, 300 gr. de lard salat mai una saucissa de coèina, sau e pebre

• La velha botar trempar los gruts, los faiòus e los ceses per los far gonflar.
• Botar a cuèire los gruts, los faiòus, los ceses e lo lard dins 3 litres d’aiga freda, far prene lo bolh e laissar cuèire una ora.
• Ajotar puèi totes los legumes chapotats en carrelons. Laissar cuèire encara una ora.
• Rectifiar l’assasonament daube sau e pebre.

Entretemps:
• Botar la saucissa de coèina dins una ola, cubrir d’aiga, far prene lo bolh, laissar puèi gargatar docetament 20 minutas. Servir la sopa, puèi lo lard e la saucissa de coèina

Aquela sopa mai lo lard e la saucissa de coèina èran lo dinnar daus jorns de nèu. Los jorns de nèu, lo matin, totes los òmes fasián de chalaas de las granjas au vilatge de paur d’èstre enclavats e per que los dròlles poguèsson anar a l’escòla. Quand, dins la burla, tornavan dau vilatge, la pala sus l’espanla, lo pan sos l’autre braç, dins un gròs sac de farina bailat per lo bolangièr (qu’èra los sols jorns onte los òmes fasián las comissions. Pensètz, un travalh de femnas !) avián lo gòbi e lo pes jalats. Es de dire qu’èran urós de trovar un bon repas ben chaud e ben gostós. Aquí, tot en se regalant, contavan a las femnas, çò qu’avián apres dins la matinaa : «Avian: rescontrat « Chause » que lor avià dit que « Machin » avià lo mau de rens e povià pas far de chalaas. – La maire Vernhes es franc marfonduà li an portat son pan, mas faudrá l’anar veire deman matin, que benlèu faudrá anar quèrre lo medacin, que porià ben èstre una pluresià. – Parèis que la femna d’aquel que reste a la Berauda vai s’acochar. L’Enric i acompanhará la Loïsa davant la nuèit, serán mai tranquiles. (La Loïsa èra la femna dau vilatge que presidava aus acochaments). – Lo paure paire Faure es passat e se la nèu contunha de tombar sávon pas coma farán per l’enterrar …  » Soliá, dins una granja se trovava doas o tres generacions mai los comis es per aquò que parlo daus òmes e de las femnas.

Totas las recèptas de sopas

Totas las recèptas de Febrièr

Français

SOPA DE CHASTANHAS

Per uèit sopaires, chau : 1 quilò 1/2 de chastanhas, 50 gramas de burre, 2 cebas, 2 pòrres, 4 pastenalhas, 2 ravas, 2 venas d’alhet, 1 bèla brancha de làpi, 2 tabletas de bolhon de buou, 20 cl de crèma (1 pichòta boite), 8 pèças de pan molet de seia, 8 pecetas de tromatge de Cantal, sau e pebre

• Despelar las chastanhas (daube un cotèl far una entalha circulara, botar dins d’aiga bolhenta pas gaire salaa, laissar cuèire quauquas minutas. Tre que las pèus s’escartan per laissar aparèisser lo frut, tirar las chastanhas e destachar las doas pèus d’un còp).
• Triar, lavar e copar los legumes.
• Far suar aquela chapladissa dins lo burre, sens laissar rossir.
• Banhar daube 1,5 I. d’aiga chauda.
• Ajotar las tabletas de bolhon e mai las chastanhas despelaas. Sarrar la còcòta minuta e laissar cuèire 25 minutas.
• Passar a la molineta.
• Ajotar la crèma e far gargatar un momenton.
• Botar dins lo paragrais las peças de pan recubertas daube las pecetas de fromatge.
• Passar cinc minutas sos la grasilha dau forn fins que lo fromatge cole. • Tastar la sopa per rectifiar l’assasonament daube sau e pebre.
• Pausar una rostiá dins chasca assieta e trempar la sopa per dessús

Vos aconselho aquela sopa per reçaupre vòstres amics los sers d’ivèrn. Si siètz pressat o fòra la sason de las chastanhas, povètz prene 2 boitas 4/4, de chastanhas au naturau o mièlhs de chastanhas sos voide. Aquesta sopa se garda fòrça ben au gelador

Totas las recèptas de sopas

Totas las recèptas de novembre

Français

LA SOPA AU PISTON

Per una desena de sopaires, fau: Per la sopa: 750 gramas de faiòus blancs frescs de desgranar, 400 gramas de faious verds, 400 gramas de cocorda, 2 pastenhalhas, 3 tartifles, 500 gramas de lard magre salat, 125 gramas de cauquilhetas. Per la pomada: 30 fuèlhas de baselic, 4 venas d’alhet, 1/2 veire d’oli d’oliva, 2 toma tas, 100 gramas de parmesan raspat

• Triar, lavar e chapotar en carrelons totes los legumes.
• Botar los faiòus blancs, las pastenalhas e lo lard dins 3 litres d’aiga bolhenta pas gaire salaa.
• Cubercelar e far cuèire 45 minutas.
• Ajotar los faiòus verds, la cocorda e los tartifles. Laissar cuèire encara 30 minutas.
• Ajotar, puèi, las cauquilhetas e laissar gargatar 10 minutas.

Entretemps:
• Dins un mortièr, pilar l’alhet e lo baselic, puèi las tomatas pelaas e espepinaas, lo parmesan e l’òll d’oliva. Travalhar lot aquò daube lo piston.
• Versar aquela pomada dins una sopièra, ajotar plan-planet la sopa en mesclant ben. Cubercelar e laissar infusar 5 minutas davant de servir. Après la sopa servir un talhon de lard a chasque sopaire.

Aquela sopa aus colors de l’autona es un regal per los uèlhs e la bocha. Es pas franc Ardechésa que los Ardechés avián ben un plant de baselic dins un pòt sus la fenèstra per se parar daus mostics mas lo minjavan pas. Solament vaquí: «Una femna dau vilatge que li disián la Madalena e qu’aviá viatjat, aviá « importat » aquela recèpta dau meijorn. E quand veniá lo temps de vendemiar, los vinhairons se donavan la man los uns los autres e dau temps que lo patron menava las vendemias, la patrona cuèisinava. Chasca patrona aviá sa recèpta per regalar l’ardaa de vendemiaires, la Gusta : la dauba, la Bèrta: lo civèt de lapin, l’Ivòna: la testa de vèl, e la Madalena, que fasiá la fièra: la sopa au piston. Faliá ben se creire quauqu’un per ausar far aquò ! E pasmens, la Madalena aviá pas franc reneiat l’Ardecha, qu’aviá melhorat la recèpta en li apondant un morsèl de lard ! Espero que nòstres amics provençaus perdonarán aquel sacrilègi a la paura Madalena. ») Per far la pomada, si crenhètz pas de cometre un segond sacrilegi, povètz utilisar lo ròbòt en plaça dau piston ! Se avetz de sopa de rèsta, povètz la congelar.

Totas las recèptas de sopas

Totas las recèptas de Setembre

Français

L’ÒRTORALHA

Chau : 12 tartifles, 6 pastenalhas, 1 liura de faiòus verds, 4 culhieraas a sopa d’òli d’oliva, de chaul o de nose. Mai: 1 testa d’alhet, òli d’oliva, de chaul o de nose, vinagre, sau e pebre

• Plomar los tartifles.
• Rasclar las pastenalhas.
• Desfialar los faiòus.
• Lavar totes los legumes.
• Botar cuèire dins 2 litres d’aiga bolhenta salaa.
• Ajotar l’òli.
• Sarrar la còcòta minuta e laissar cuèire 20 minutas.
• Davant d’escrasar la sopa, tirar: 8 tartifles, 4 pastenalhas, la mitat daus faiòus. Servir la sopa, puèi los legumes encara chauds, que chascun assasonerà dins son assieta daube d’alhet, d’òli, de vinagre, de pebre

Los faiòus verds se pòvan remplaçar per un pichòt chaul

Totas las recèptas de sopas

Totas las recèptas de Julhet

Français

L’ÒRTORALHA

Chau : 12 tartifles, 6 pastenalhas, 1 liura de faiòus verds, 4 culhieraas a sopa d’òli d’oliva, de chaul o de nose. Mai: 1 testa d’alhet, òli d’oliva, de chaul o de nose, vinagre, sau e pebre

• Plomar los tartifles.
• Rasclar las pastenalhas.
• Desfialar los faiòus.
• Lavar totes los legumes.
• Botar cuèire dins 2 litres d’aiga bolhenta salaa.
• Ajotar l’òli.
• Sarrar la còcòta minuta e laissar cuèire 20 minutas.
• Davant d’escrasar la sopa, tirar: 8 tartifles, 4 pastenalhas, la mitat daus faiòus. Servir la sopa, puèi los legumes encara chauds, que chascun assasonerà dins son assieta daube d’alhet, d’òli, de vinagre, de pebre

Los faiòus verds se pòvan remplaçar per un pichòt chaul

Totas las recèptas de sopas

Totas las recèptas de Julhet

Français

LA SOPA VERDA

Chau : 2 tartifles, 2 pastenalhas, 2 pòrres, 6 laitissons, 1 punhaa d’ortias noveletas, 1 brancha de làpi, 200 gr. de lard o 2 culhieraas a sopa d’òli d’oliva

• Triar e lavar totes los legumes.
• Botar a cuèire dins 1 litre e mieg d’aiga bolhenta salaa, ajotar l’òli o lo lard.
• Sarrar la còcòta minuta e laissar cuèire 25 minutas.
• Escrasar daube lo trissador o passar a la molineta o mixar.

A la prima, minjar aquela sopa per espurgar lo sang de totes los « vices » aduts per l’ivèrn !

Totas las recèptas de sopas

Totas las recèptas de Març

Français