AUCÈLS SENS TÈSTAS

Chau : 4 tranchas finas de fetge de caion, 4 tartifles  » Bintje  » (pas tròp gròs), 4 fuèlhas de bletas, 4 bardas de lard magre salat, 4 escalonhas, 3 culhieraas a sopa d’òli d’olive, sau e pebre

• Plomar e lavar los tartifles.
• Lavar las fuèlhas de bletas.
• Sus una plancha, dispausar las bardas de lard, botar dessús dins l’òrdre : las fuèlhas de bletas, las tranchas de fetge, salar, pebrar, achabar per los tartifles. Rotlar, ficelar.
• Dins la còcòta minuta, far chaufar l’òli, botar los « aucels », far revenir de totes los costats, ajotar las escalonhas menusaas, quand son dauraas, banhar daube 1/2 tassa d’aiga, sarrar la còcòta, laissar cuèire 15 minutas. Desficelar, servir daube lo jus e de mostarda a l’ancièna

Totas las recèptas de caion

Totas las recèptas de tot l’an

Français

PERDRITZ AU CHAUL

Chau : 1 perdritz, 1 chaul cabus verd, 200 gramas de lardons magres salats, 1 gròssa ceba, 2 pastenalhas, 2 culhieraas a sopa d’òli d’oliva, 1 vena d’alhet, 1 branchilha de frigoleta, 1/4 de l. de bolhon lèu fach, sau e pebre.

• Plumar, busclar, lavar la perdritz. Botar en dedins, lo fetge, lo còr, lo gigièr, l’alhet e la frigoleta.
• Triar, lavar, tronçonar lo chaul.
• Far blanchir dins d’aiga bolhenta pendent 10 minutas.
• Esgotar, rinçar a l’aiga freda.
• Far bolhir d’aiga dins la còcòta minuta, salar, botar lo chaul, sarrar la còcòta e laissar cuèire 7 minutas.
• Esgotar, rinçar a l’aiga freda, chaplar grossièrament daube un cotèl dreit la passoèra.
• Dins una coquèla de fonta esmalhaa, far chaufar l’òli, far revenir la perdritz sus totes los costats, ajotar puèi, los lardons, la ceba e las pastenalhas menusaas. Salar, pebrar, banhar daube un pauc de bolhon lèu fach. Cubercelar, laissar mitonar 45 minutas.
• Tirar la perdritz, botar lo chaul en la plaça, ben mesclar daube lo jus e los lardons, pausar la perdritz sus lo chaul, arrosar daube lo bolhon que rèsta, tornar cubercelar e laissar mitonar encara 30 minutas.

Òm pòt aprestar dau meme biais, un faisan o, fòra la sason de chaça, una pintarda

Totas las recèptas de polalha

Totas las recèptas d’octòbre

Français

PERDRIX AU CHOU

Ingrédients : 1 perdrix, 1 chou cabus vert, 200 gr. de lardons maigres salés, 1 gros oignon, 2 carottes, 2 cuillerées à soupe d’huile d’olive, 1 gousse d’ail, 1 brindille de thym, ¼ l. de bouillon vite fait, sel et poivre.

• Plumer, passer à la flamme, laver la perdrix. À l’intérieur, mettre le foie, le cœur, le gésier, l’ail et le thym.
• Trier, tronçonner et laver le chou.
• Faire blanchir dans de l’eau bouillante pendant 10 minutes.
• Égoutter, rincer à l’eau froide.
• Faire bouillir de l’eau dans la cocotte minute, saler, mettre le chou, fermer la cocotte et faire cuire pendant 7 mn.
• Égoutter, rincer à l’eau froide, hacher grossièrement à l’aide d’un couteau, directement dans la passoire.
• Dans une cocotte en fonte émaillée, faire chauffer l’huile, faire revenir la perdrix sur tous les côtés puis, ajouter les lardons, l’oignon et les carottes émincés. Saler, poivrer, mouiller avec un peu de bouillon. Couvrir, laisser mijoter 45 minutes.
• Retirer la perdrix, mettre le chou à la place, bien mélanger avec le jus et les lardons, poser la perdrix sur le chou, arroser avec le reste de bouillon. Couvrir et laisser mijoter encore 30 minutes.

On peut préparer de la même façon un faisan ou, en dehors de la saison de chasse, une pintade.

Toutes les recettes de volailles

Toutes les recettes d’octobre

Occitan

LO PASTAT DE LAPIN

Chau : 1 lapinàs, 300 gramas de vèl, 250 gramas de lard magre fresc, 1 tassa de moleta de pan trempaa dins de lait, 2 uòus, 1 culhier a cafè de frigoleta sechaa e ben esquichaa, 2 branchilhas de frigoleta, 2 fuèlhas de laurièr, 1 veire a liquor d’aigardent o d’Armanhac, bardas de lard gras, sau (16 gramas per quilò de vianda), pebre

• Desossar lo lapin, chaplar la charn, lo fetge, lo còr, los ronhons, la vianda de vèl e lo lard magre.
• Dins un saladièr pron bèl, mesclar lo chapladís de vianda daube la moleta de pan trempaa dins de lait e eissauraa, los uòus batuts, la frigoleta esquichaa, l’aigardent (o l’Armanhac), sau e pebre.
• Travalhar ben tot ensems, d’abord daube una forcheta, puèi daube las mans.
• Tapissar una terrina de bardas de lard gras, emplir daube la preparacion. Pausar puèi las doas branchilhas de frigoleta e las doas fuèlhas de laurièr, achabar per una barda de lard gras.
• Cubercelar la terrina, far cuèire au banh mariá. Enfornar a 220°, quand l’aiqa bolh redurre a 180° (2 oras).
• Laissar refresir dins la terrina. De preparar 48 oras davant de minjar. Per servir, copar en tranchas, acompanhar d’olivas negras e de cornissons

Totas las recèptas de lapin

Totas las recèptas de novembre

Français

COSTELETAS D’ANHÈL A L’ARDECHÈSA

Chau : 8 costeletas descubèrtas o 4 ronhonadas, 800 gramas de tartifles «Bintje », 100 gramas de lardons magres salats, 1 ceba, 2 culhieraas a sopa d’òli d’oliva, 2 venas d’alhet, 2 fuèlhas de laurièr, 2 branchilhas de frigoleta, 3 tomatas freschas o congelaas, sau e pebre

• Far chaufar l’òli dins una cassairòla, far revenir la ceba menusaa e los lardons.
• Garar dau tuòc.
• Plomar, lavar e copar los fartifles en rondèlas.
• Oliar un plat anant au forn.
• I botar las rondèlas de tartifles, la ceba, los lardons, las tomatas pelaas e desgranaas, l’alhet menusat, lo laurier, la frigoleta.
• Salar, pebrar, cubrir d’aiga.
• Far cuèire au forn pendent 40 minutas (220°).
• Botar las costeletas sus los tartifles.
• Laissar cuèire encara 20 minutas
. Botar un pauc de sau sus las costeletas e portar lo plat sus la taula

Totas las recèptas de anhèl

Totas las recèptas d aost

Français

SOPA DE RAVAS

Chau : 5 tartitles, 6 ravas, 150 gramas de lard salat o 2 culhieraas a sopa d’oli d’oliva, sau e pebre

• Plomar e lavar los legumes, los tronçonar e los getar dins un litre d’aiga bolhanta pas gaire salaa.
• Ajotar lo lard.
• Sarrar la còcòta minuta e laissar cuèire 20 minutas. Escrasar los legumes au trissador (se utilisetz un  » mixer » oblidetz pas de tirar lo lard davant de mixar)

Soliá, quand nòstres papets se sentián marfonduts, ajotavan en aquela sopa, una bona rasada de vin roge e pebravan generosament. Aqueste remèdi fasiá suar durant la nuèit e, lo lendeman matin, nòstres papets avián retrovat la santat. .. Apelavan aquò « far chichòla « .

Totas las recèptas de sopas

Totas las recèptas de tot l’an

Français