LOS PICAUDONS

Chau : tomas sechas

Prene de tomas sechas, las lavar daube d’aigardent, las pleiar dins de fuèlhas de vinha o de platana, sarrar dins una bicha, cubercelar daube un torchon e laissar bonar 3 mes e mai dins un endreit ni tròp chaud ni tròp fresc (peraquí 10 a 12°).

Totas las recèptas de fromatge

Totas las recèptas de tot l’an

Français

LO FOJON

Chau : 3 tomas de chabra franc sechas (duras), 250 gramas de fromatge blu ben fòrt (blu d’Auvernha o Rocafòrt), 6 tomas de chabra freschas, mas esgotaas, 1/2 veire a mostarda d’aigardent, sau e pebre

• Raspar las tomas sechas dins una bicha.
• Escrasar lo blu e las lomas freschas.
• Ajotar l’aigardent.
• Salar pas gaire, pebrar.
• Pastar tot ensems.
. Cubercelar la bicha daube un torchon e laissar bonar peraquí tres mes e mai

Autres còps botavan la bicha abochon dins lo fen, coma aquò lo fromatge s’esgotava e lo fen li bailava son perfum. Es un fromatge profitós que ne’n fau pas gaire per far minjar una bona birba de pan! Per saupre se lo fojon es a punt : dubrir la bicha: las mochas que vòlan devon tombar rege!

Totas las recèptas de fromatge

Totas las recèptas de tot l’an

Français

TOMA EN SALADA

Per 4 convivas chau : 500 gramas de toma frescha ben esgotaa, 5 culhieraas a sopa d’òli d’oliva, de nose o de chaul, 4 culhieraas a sopa de vinagre de vin, 4 venas d’alhet, 1 punhaa de ciboleta, sau e pebre.

• Escrasar la toma daube una forcheta.
• Apondre l’òli, lo vinagre, la sau, lo pebre, l’alhet e la ciboleta menusats.
• Mesclar.
. Servir daube de tartifles ronds cuèits a la vapor.

Agreiabla l’estiu, la toma en salada se minjava tanben per lo gostornar daube de pan. Aquesta recèpta, se pòt far tanben daube de toma de vacha. Se pòt servir a l’aperitiu sus de finas pecetas de pan de seia o de pan de chastanhas.

Totas las recèptas de fromatge

Totas las recèptas de tot l’an

Français