L’AIGA DE COENGS

Panar e raspar los coengs, esquíchar dins una mosselina per recampar lo jus. Per 1/2 l. de jus, ajotar 250 gramas de sucre ros en morsèls e 1/4 de l. d’aigardent. Laissar macerar sièis mes davant de beure.

L’aiga de coengs es de beure per garir las colicas e la foèira.

Totas las recèptas de vins

Totas las recèptas de novembre

Français

CONFETURA DE GENGERINA

Chau : 2 quilòs de gengerina, 1 quilò de pèras chapelan, 1 quilò de coengs, 3 liuras e mieja de sucre.

Pelar tota la frutalha, copar en morsèlons e far macerar daube lo sucre durant una nuèit. Far cuèire rondament durant 1 ora. Laissar refresir e tornar far cuèire 1 ora. Botar dins de pòts.

Per bailar una jòliá color, ensarrar las granetas daus coengs dins una comprèssa de gasa, ajotar a la cuèisson.

Totas las recèptas de frutalha

Totas las recèptas de novembre

Français

PASTA DE COENGS

Passar a la molineta a legumes, los morsèls de coengs que restan après la jalèia. Pesar, ajotar lo meme pes de sucre, far cuèire rondament 30 minutas en borlant de contunh. Graissar una tòla daube un pauc d’òli, i estalar la pasta, saupodrar de sucre, laissar sechar 4 o 5 jorns puèi descopar de bastonets. Rotlar dins de sucre. Pleiar dins de papier d’alumini e renjar dins de boitas de fèr o botar la pasta chauda dins de pòts, coma per las confeturas, e demotlar au moment de la minjar.

Totas las recèptas de frutalha

Totas las recèptas de novembre

Français

JALÈIA DE COENGS

Chausir de jolis coengs, los fretar daube un torchon propre, los copar, ensarrar las granetas dins una comprèssa de gasa. Botar los morsèls de fruts e lo saqueton de granetas dins una bacina, recubrir d’aiga e far cuèire. Esgotar. Recampar lo jus, lo pesar, ajotar lo mème pes de sucre, far cuèire rondament 4 a 5 minutas. Verifiar si lo siròp fai ben la perla. Escumar, botar dins de pòts.

Totas las recèptas de frutalha

Totas las recèptas de novembre

Français