SOPA DE COCORDA

Chau : 1 quilò 250 de cocorda, 1/2 I. de lait, 3 noses de burre, 1 culhieraa a sopa de farina ben acuchaa

• Pelar, lavar, tronçonar la cocorda e la botar a cuèire dins la còcòta minuta daube 1 veire d’aiga e de sau. Comptar detz minutas de cuèisson.
• Far revenir sens laissar rossir la farina dins lo burre, banhar daube lo lait, laissar prene lo bolh.
• Ajotar puèi, la cocorda passaa a la molineta amai l’aiga de cuèisson. Far gargatar una desena de minutas. Pebrar e servir

Es una sopa fòrça deliciosa e se voletz esmeravilhar vòstres conviats la serviretz dins la cocorda. Per aquò: Copar un cubercèl sus la cocorda. Curar l’endedins daube una culhièra. Garar las granas e prene la charn per far la sopa. Reschaufar la cocorda voidaa 1/4 d’ora dins lo forn a 140° puèi, versar la sopa dedins, pausar lo cubercèl dessús e portar sus la taula

Totas las recèptas de sopas

Totas las recèptas de Octòbre

Français

LA SOPA AU PISTON

Per una desena de sopaires, fau: Per la sopa: 750 gramas de faiòus blancs frescs de desgranar, 400 gramas de faious verds, 400 gramas de cocorda, 2 pastenhalhas, 3 tartifles, 500 gramas de lard magre salat, 125 gramas de cauquilhetas. Per la pomada: 30 fuèlhas de baselic, 4 venas d’alhet, 1/2 veire d’oli d’oliva, 2 toma tas, 100 gramas de parmesan raspat

• Triar, lavar e chapotar en carrelons totes los legumes.
• Botar los faiòus blancs, las pastenalhas e lo lard dins 3 litres d’aiga bolhenta pas gaire salaa.
• Cubercelar e far cuèire 45 minutas.
• Ajotar los faiòus verds, la cocorda e los tartifles. Laissar cuèire encara 30 minutas.
• Ajotar, puèi, las cauquilhetas e laissar gargatar 10 minutas.

Entretemps:
• Dins un mortièr, pilar l’alhet e lo baselic, puèi las tomatas pelaas e espepinaas, lo parmesan e l’òll d’oliva. Travalhar lot aquò daube lo piston.
• Versar aquela pomada dins una sopièra, ajotar plan-planet la sopa en mesclant ben. Cubercelar e laissar infusar 5 minutas davant de servir. Après la sopa servir un talhon de lard a chasque sopaire.

Aquela sopa aus colors de l’autona es un regal per los uèlhs e la bocha. Es pas franc Ardechésa que los Ardechés avián ben un plant de baselic dins un pòt sus la fenèstra per se parar daus mostics mas lo minjavan pas. Solament vaquí: «Una femna dau vilatge que li disián la Madalena e qu’aviá viatjat, aviá « importat » aquela recèpta dau meijorn. E quand veniá lo temps de vendemiar, los vinhairons se donavan la man los uns los autres e dau temps que lo patron menava las vendemias, la patrona cuèisinava. Chasca patrona aviá sa recèpta per regalar l’ardaa de vendemiaires, la Gusta : la dauba, la Bèrta: lo civèt de lapin, l’Ivòna: la testa de vèl, e la Madalena, que fasiá la fièra: la sopa au piston. Faliá ben se creire quauqu’un per ausar far aquò ! E pasmens, la Madalena aviá pas franc reneiat l’Ardecha, qu’aviá melhorat la recèpta en li apondant un morsèl de lard ! Espero que nòstres amics provençaus perdonarán aquel sacrilègi a la paura Madalena. ») Per far la pomada, si crenhètz pas de cometre un segond sacrilegi, povètz utilisar lo ròbòt en plaça dau piston ! Se avetz de sopa de rèsta, povètz la congelar.

Totas las recèptas de sopas

Totas las recèptas de Setembre

Français