CONFETURAS DE CHASTANHAS

Chau : 3 quilòs de chastanhas, 3 liuras de sucre, 3 decilitres d’aiga, 1 baston de vanilha fendut.

Garar la promièra pèu de las chastanhas. Far cuèire dins d’aiga salaa pas gaire. Garar la seconda pèu. Passar las chastanhas a la molineta a legumes. Botar l’aiga, la vanilha e lo sucre dins una bacina. Laissar bailar quauques bolhs, ajotar puèi, la purèia de chastanhas, bien mesclar e far cuèire plan planet 25 minutes en borlant sens relambi. Botar dins de pòts.

Totas las recèptas de frutalha

Totas las recèptas de novembre

Français

BUCHA DE CHALENDAS (sens cuèisson)

Chau : Per 8 a 10 personas : 750 gramas de purèia de chastanhas (1 quilò e mieg de chastanhas freschas), 125 gramas de burre, 125 gramas de chocolat negre, 125 gramas de sucre glaç, 1 tassa de granilhas de chocolat.

• Despelar las chastanhas : daube un cotèl far una entalha circulara, botar dins un panièr per cuèisson a la vapor, plonjar dins d’aiga bolhenta salaa pas gaire, laissar cuèire 20 minutas.
• Tirar lo panièr de l’ola. Daube un cotèl destachar puèi las doas pèus d’un còp sens laissar refresir.
• Passar las chastanhas a la molineta a legumes (grilha fina).
• Botar lo chocolat chapotat dins una petita casseiròla daube 2 culhieraas a sopa d’aiga. Far fondre au banh maria en virant daube un culhier de boès per fin d’aver una pasta franc lissa.
• Chaufar un bòle, i botar lo burre copat en tròcilhons, travalhar daube un culhier de boès fins que vire en crèma.
• Ajotar a la purèia de chastanhas, lo sucre, lo burre cremós, lo chocolat fondut.
• Batre vigorosament aquesta mescladura per la rendre franc lissa e leugiera.
• Estalar sus la taula una fuèlha de papièr d’alumini. Versar la pasta, li bailar la forma d’un rondilh. Rotlar sarrat daube lo papièr d’alumini. Botar au refregidor fins lo lendeman.
• Garar lo papièr, copar los bots dau rondilh per biais. Daube una forcheta far de raiaduras irregulièras per que semble una esclapa de boès. Daube los bots copats, simular de nos; saupodrar de granilhas de chocolat.
• Achabar la decoracion a vòstra guisa. Gardar au refregidor.
• Servir acompanhaa de crèma anglesa a la vanilha o de crèma batuá o de coladís de fruts roges.

Totas las recèptas de dessèrts

Totas las recèptas de decembre

Français

LA DINDA A LAS CHASTANHAS

Chau : 1 dinda ben grassoneta, 1 quilò de chastanhas « boucha-roja », 100 gramas de lardons magres fumats, 2 escalonhas, 2 venas d’alhet, 200 gramas de charn a saucissas, 1 pichòta boite de mossa de fetge gras, 2 pichòts soïsses, 4 culhieraas a sopa d’òli d’oliva, 1 veire a mostarda de vin blanc

• Despelar las chastanhas : far una entalha, far cuèire 20 minutas dins d’aiga salaa, Esgotar e garar las doas pèus d’un còp.
• Escrasar grossièrament la mitat de las chastanhas, daube una forcheta.
• Chaplar lo fetge, lo gigièr, las escalonhas, l’alhet, mesclar daube la charn a saucissas, la mossa de fetge, los pichòts soïsses e las chastanhas escrasaas. Farcir la dinda.
• Oliar una coquèla de fonta esmalhaa, i botar la dinda.
• Far daurar de totes los costats dins lo forn (200°), ajotar los lardons a l’entorn de la dinda, laissar daurar. Salar, pebrar, banhar puèi daube lo vin blanc. Cubercelar e laissar cuèire una ora e mieja a 170° en arrosant de temps en temps daube un pauc d’aiqa.
• Descubercelar, botar dins lo jus a l’entorn de la dinda, las chastanhas que restan e laissar cuèire encara 25 minutas, sens tornar cubercelar.
• Descopar la dinda, botar lo farcit e las chastanhas au mitan dau plat de servici.
. Acompanhar de la salada de Chalendas

Totas las recèptas de polalha

Totas las recèptas de decembre

Français

LA SALADA ARDECHÉSA

Chau : 1/2 frisaa e 1/2 escarola ben blanchas, 150 gramas de lardons magres, fumats, 20 chastanhas cuéites a l’aiga e despelaas, 2 culhieraas a sopa d’òli d’oliva, vinagreta a la mostarda, mai una vena d’alhet

• Triar, lavar, essaurar la salada.
• Bolegar de temps daube la vinagreta alhaa.
• Far chaufar l’òli dins una padèla, far revenir prestament los lardons e las chastanhas.
• Versar sus la salada, mesclar delicatament e servir

Las chastanhas sos voide convenon fòrça ben per aquela recèpta e fan qu’aquèla salada se pòt servir fòra la sason de las chastanhas. leu, la servo de la Totsants fins Pascas

Totas las recèptas de saladas

Totas las recèptas de novembre

Français

L’ESCUÈLAA DE BLANCHAS O COSINAT

Chau : Pour 5 a 6 personas : 1 bòle de blanchas (1), 1 I. de lait, sau.

• La velha far trempar las blanchas dins d’aiga.
• Lo jorn mème daube un cotèl ponchut, garar los pelhons que pòvan restar.
• Botar dins una casseiròla, cubrir d’aiga bolhenta pas gaire salaa, laissar cuèire una ora e mieja en ajotant a chaa pauc lo lait. Servir dins d’escuèlas per lo sopar

« Lo cosinat? Mon melhor cosin! » (Jeu de mot, car cosinat n’est pas un dérivé de cosin (cousin), mais de cosina (cuisine) et signifie littéralement: cuisiné. G. Massot: Proverbes et dictons d’Ardèche.) Lo mai sovent l’escuèlaa de blanchas èra preparaa per lo gostar daus dròlles au retorn de l’escòla. Ajotavan alora un pauc de sucre. (1)Las « blanchas » o « crusas » son de chastanhas sechas despelaas.

Totas las recèptas de chastagnas

Totas las recèptas de Janvièr

Français

La rostiá de chastanhas

Comptar quinze a vint chastanhas per persona

• Entalhar las chastanhas daube un cotèl.
• Botar dins una ola cubrir d’aiga freda, botar un pauc de sau e far prene lo bolh.
• Esgotar, laissar franc sechar. Se de besonh, panar dins un torchon.

A la chaminèia :
• Far un fuòc pron viu per aver de bonas brasas. Plaçar lo trespès.
• Botar las chastanhas dins la padèla chastanhièra, pausar sus lo trespès.
• Far grilhar peraqui 20 minutas en fasent sautar pron sovent per que cramèssan pas.

Au forn :
• Botar las chastanhas dins lo paragrais. Enfornar 20 minutas a 200°

La rostiá de chastanhas es de totas las velhaas, de la Totsants a la fin de l’an. Fauta de piqueta, s’acompanha de vin blanc, de vin roge o de cartagèna

Totas las recèptas de chastagnas

Totas las recèptas de novembre

Français

LA « RÔTIE » DE CHÂTAIGNES

Ingrédients : Compter quinze à vingt châtaignes par personne.

• Entailler les châtaignes avec un couteau.
• Mettre dans un faitout, recouvrir d’eau froide, saler légèrement et porter à ébullition.
• Egoutter, laisser sécher complètement. Si besoin, sécher dans un torchon.

À la cheminée:
• Faire un feu assez vif pour avoir de bonnes braises. Installer le trépied.
• Mettre les châtaignes dans la poêle à châtaignes, poser sur le trépied.
• Faire griller, environ 20 minutes, en faisant sauter les châtaignes très souvent, pour qu’elles ne brûlent pas.

Au four:
• Mettre les châtaignes dans la lèchefrite. Enfourner à 200° pendant 20 minutes.

La « rôtie » de châtaignes est de toutes les veillées, de la Toussaint à la fin de l’année. A défaut de piquette, elle s’accompagne de vin blanc, de vin rouge ou de Carthagène.

Toutes les recettes de châtaignes

Toutes les recettes de novembre

Occitan

SOPA DE CHASTANHAS

Per uèit sopaires, chau : 1 quilò 1/2 de chastanhas, 50 gramas de burre, 2 cebas, 2 pòrres, 4 pastenalhas, 2 ravas, 2 venas d’alhet, 1 bèla brancha de làpi, 2 tabletas de bolhon de buou, 20 cl de crèma (1 pichòta boite), 8 pèças de pan molet de seia, 8 pecetas de tromatge de Cantal, sau e pebre

• Despelar las chastanhas (daube un cotèl far una entalha circulara, botar dins d’aiga bolhenta pas gaire salaa, laissar cuèire quauquas minutas. Tre que las pèus s’escartan per laissar aparèisser lo frut, tirar las chastanhas e destachar las doas pèus d’un còp).
• Triar, lavar e copar los legumes.
• Far suar aquela chapladissa dins lo burre, sens laissar rossir.
• Banhar daube 1,5 I. d’aiga chauda.
• Ajotar las tabletas de bolhon e mai las chastanhas despelaas. Sarrar la còcòta minuta e laissar cuèire 25 minutas.
• Passar a la molineta.
• Ajotar la crèma e far gargatar un momenton.
• Botar dins lo paragrais las peças de pan recubertas daube las pecetas de fromatge.
• Passar cinc minutas sos la grasilha dau forn fins que lo fromatge cole. • Tastar la sopa per rectifiar l’assasonament daube sau e pebre.
• Pausar una rostiá dins chasca assieta e trempar la sopa per dessús

Vos aconselho aquela sopa per reçaupre vòstres amics los sers d’ivèrn. Si siètz pressat o fòra la sason de las chastanhas, povètz prene 2 boitas 4/4, de chastanhas au naturau o mièlhs de chastanhas sos voide. Aquesta sopa se garda fòrça ben au gelador

Totas las recèptas de sopas

Totas las recèptas de novembre

Français