LAS BOCHAAS A LA REINA

Chau : 4 crostas de pasta fulhetaa achataas vès lo pastissièr, 500 gramas de jalhas de vèl, 1 gròssa punhaa de mosseirons secs o 1 boite de champanholets (200 gramas), 12 olivas verdas descresaas e copaas en rondèlas, 2 escalonhas, 2 culhieraas a sopa d’òli d’oliva, 1 culhieraa a sopa de farina, 1 pichòt veire a mostarda de vin blanc sec, 1 veire de bolhon lèu fach, 6 culhieraas a sopa de crèma frescha, sau e pebre

• Se prenètz de mosseirons secs, los botar trempar dins d’aiga.
• Far cuèire las jalhas de vèl 5 minutas dins d’aiga bolhenta salaa.
• Esgotar, plomar, copar en morsèls.
• Dins una casseiròla, far chaufar l’òli, far revenir las escalonhas menusaas, saupodrar de farina, banhar daube lo vin blanc e lo bolhon, salar pas gaire, pebrar, ajotar los champanhons (mosseirons o champanholets) las rondèlas d’olivas, los morsèls de jalhas de vèl, laissar mitonar 10 minutas.
• Ajotar puèi la crèma frescha. Emplir las crostas chaufaas per avans 5 minutas dins lo forn a 150°.
• Tornar enfornar a 150° (8 minutas).

Servir. Servir a despart las rèstas de la garnitura, se avètz pas pogut tot botar dins las crostas

Las bochaas a la reina èran reservaas a las grandas fèstas de familha: batème, promièra comunion

Totas las recèptas de vel

Totas las recèptas de junh

Français

PIBOLADAS A LA PROVENÇALA

Chau : 1 quilò de piboladas, 4 culhieraas a sopa d’òli d’oliva, 4 escalonhas, 1 vena d’alhet, 2 tomatas, 1 branchilha de frigoleta, 1 fuèlha de laurièr, quauques brins de persil chapotat, sau e pebre

• Triar, lavar las piboladas
• Far chaufar l’òli dins la padèla, botar las piboladas, laissar cuèire a descubèrt per que rendèssan lor aiga. Laissar esvaporar.
• Ajotar las escalonhas e l’alhet chapotats, las tomatas pelaas e espepinaas, la frigoleta, lo laurièr.
• Salar, pebrar, cubrir e laissar mitonar plan planet 30 minutas.
• Saupodrar de persil e servir solet o per accompanhar un rostit

Recèpta que conven tanben a totes los champanhons de socha : sause, amorier, persièr

Totas las recèptas de champanhons

Totas las recèptas de Octòbre

Français

FRICÒT DE BOLETS

Chau : 1 quilò de bolets, 6 culhieraas a sopa d’òli d’oliva, 1 nose de burre, 4 venas d’alhet, 1 punhaa de persil, sau e pebre

• Triar, lavar prestament e chaplar los bolets.
• Far chaufar l’òli dins la padèla, i getar los bolets, far cuèire a descubèrt per que rendèssan lor aiga, esperar que s’ esvapora, laissar puèi daurar.
• Salar, pebrar, ajotar lo burre e lo chapladís d’alhet e de persil, laissar sus lo fuòc encara 5 minutas.
• Servir solet o per acompanhar un rostit e son jus

Se pòt dire qu’aquela recèpta conven per totes los champanhons

Totas las recèptas de champanhons

Totas las recèptas de Octòbre

Français