LO CARDON AU MIÒLON

Chau : 2 òs a miòlon (de buòu), 2 tabletas de bolhon de buòu dins un mieg litre d’aiga chauda, 3 noses de burre, 1 culhieraa a sopa de farina, 100 gramas de crèma.

• Botar lo miòlon dins d’aiga freda salaa, far cuèire a pichòts bolhs, dès qu’es claret lo tirar daube una escumeta e lo copar en pecetas.
• Far fondre lo burre dins una gamèla, far revenir prestament la farina, banhar daube lo bolhon, ajotar lo cardon e las pecetas de miòlon, salar, pebrar.
• Cubercelar e laissar mitonar plan planet una mieja ora en borlant de temps en temps. Se la sauça es tròp espessa, ajotar un pauc d’aiga. Liar la sauça daube la crèma, laissar encara un momenton sus fuòc très doç e servir.

En gratin o au miòlon, lo cardon es lo legume de Chalendas

Totas las recèptas de legumes

Totas las recèptas de decembre

Français

LO GRATIN DE CARDON

Chau : Sauça blancha (1/4 de l. de lait), mai 100 gramas de gruèra raspat e 6 culhieraas a sopa de jus de rostit, sau, pebre e chapladura.

• Mesclar lo cardon cuèit daube la Sauça blancha e lo jus de rostit,
• Verifiar l’assasonament sau e pebre.
• Dins un plat a gratin, botar una cocha de cardon, una cocha de fromatge raspat, ecc.
• Saupodrar de chapladura.
• Enfornar 45 minutas a 200°.

Totas las recèptas de legumes

Totas las recèptas de decembre

Français

 

LO CARDON La cuèisson a l’aiga

PER 8 CONVIVAS : 2,500 quilòs de cardon. Lo chausir ben blanc

• Triar, ben garar las fialandras, tronçonar e getar sul pic dins d’aiga vinagraa. Rinçar.
. Botar dins la còcòta minuta: dos litres d’aiga, 1 culhieraa a sopa de farina, un punhadon de sau. Far bulhir, i getar los tròcilhons de cardon, far cuèire 1 ora. Esgotar

Totas las recèptas de legumes

Totas las recèptas de decembre

Français