LO BRECHET AU FORN

Chau : 1 brechet o 2 brechetons, 2 culhèraas a sopa d’òli d’oliva, 2 pichòts veires a mostarda de vin blanc sec, 1 punhaa de persil, 1 vena d’alhet, 3 noses de burre, sau e pebre

• Preparar lo brechet coma per lo brechet maionesa.
• Far chaufar lo forn (10 minutas a 180°).
• Chaplar lo persil e l’alhet, mesclar daube lo burre, salar e pebrar un tantinet.
• Oliar un plat anant au forn.
• Botar lo brechet salat e pebrat en dedins.
• Enfornar, laissar cuèire 15 minutas, banhar daube lo vin blanc, tornar far cuèire 15 minutas.
• Tirar dau forn, repartir de trocilhons de burre persilhat sus lo peisson, servir dès qu’es fondut

Aquesta recèpta es bona per las truèitas (redurre lo second temps de cuèisson a 10 minutas)

Totas las recèptas de peissons

Totas las recèptas de tot l’an

Français

LO BRECHET MAIONESA

1 gròs brechet, cort bolhon, maionesa a las capras.

• Garar las gaunhas dau brechet (mèfi ! de vos picar pas), voidar, lavar.
• Botar lo peisson dins lo panièr de la peissonièra, (se avètz pas ges de peissonièra, pliar lo peisson dins un torchon), plonjar dins lo cort bolhon fred, botar sus lo fuòc e far fremir (20 minutas).
• Tirar la peissonièra dau fuòc, laissar refresir dins lo cort bolhon.
• Botar delicatament sus lo plat de servici garnit de fuèlhas de salada, decorar daube d’uòus mimosa.
Servir daube una sauça maionesa a las capras o una mosselina au citron

Aquesta recèpta es bona per las truèitas (far fremir que 12 minutas)

Totas las recèptas de peissons

Totas las recèptas de tot l’an

Français