LO PASTAT DE SANGLIÈRLO PASTAT DE SANGLIÈR

LO PASTAT DE SANGLIÈR

Chau : 800 gramas de charn de sanglièr, 500 gramas d’esquina de caion, 1 veire a mostarda de vin roge, 1 veire a liquor d’aigardent o d’Armanhac, 4 escalonhas, 2 venas d’alhet, 2 fuèlhas de laurièr, 3 branchilhas de frigoleta, 2 uòus, bardas de lard gras, sau e pebre

• La velha, copar la charn dau sanglièr en lisquetas, botar a marinar daube lo vin, l’aigardent o l’Armanhac, las escalonhas, l’alhet, lo laurièr, la frigoleta, sau e pebre.
• Lo lendeman, chaplar la vianda de caion, las escalonhas e l’alhet. Ajotar los uòus batuts e lo jus de la marinada. Travalhar ben tot aquò
• Tapissar una terrina daube de bardas de lard, botar una cocha dau mescladís de davant, puèi una cocha de lisquetas de sanglièr, ecc. Achabar per una cocha de mescladís, pausar dessús las branchilhas de frigoleta e las fuèlhas de laurièr, puèi una barda de lard.
• Cubercelar la terrina, far cuèire au banh maría 2 oras. Enfornar a 220°, quand l’aiga bolh redurre a 180°.
• Laissar refresir dins la terrina. Aprestar 48 oras davant de servir. Copar en tranchas, servir sus un lièt de salada e acompanhar de marmelada d’airèlas.

Totas las recèptas de tot l’an

Français