LA POLA BOLHIÁLA CANETA AUS NAVETS

LA POLA EN JALÈIA

Chau : 1 pola, 1 pè de vèl quartejat, 1 pastenalha, 1 brancha d’api, 1 ceba picaa de 2 clavèls de giròfle, 2 fuèlhas de laurièr, 2 branchilhas de frigoleta, 3 o 4 cornissons, sau e pebre

• Botar totas las viaas, levat los cornissons, dins una ola, cubrir d’aiga freda. Cubercelar l’ola, far prene lo bolh e laissar cuèire 1 ora e mieja.
• Tirar la pola e lo pè de vèl.
• Passar lo bolhon a l’estamina.
• Rinçar una terrina a l’aiga freda, i botar una locha de bolhon passat, botar la terrina au refregidor.
• Garar la pèu e los òs de la pola.
• Sortir la terrina dau refregidor, tre que lo bolhon es calhat.
• Au fons de la terrina, far un decor daube quauquas rondèlas de pastenalha e de cornissons, per far jòli quand desmotlarètz. Botar puèi, la pola desossaa. Emplir delicatament la terrina daube lo bolhon passat e botar au refregidor au mens 12 oras. Per servir, desmotlar sus un lièt de salada verda. Acompanhar de cornissons

Lo pè de vèl se pòt minjar chaud daube una vinagreta. Òm pòt tanben remplaçar lo pè de vèl per 6 fuèlhas de gelarèia per 1/2 l. de bolhon passat. Far amolir la gelarèia dins d’aiga freda, eissaurar e botar dins lo bolhon ben chaud

Totas las recèptas de polalha

Totas las recèptas de junh

Français