LA POLA EN JALÈIALA DINDA A LAS CHASTANHAS

LA CANETA AUS NAVETS

Chau : 1 caneta, 1 culhieraa a sopa d’òli d’oliva, 4 escalonhas, 2 venas d’alhet, 1 branchilha de frigoleta, 1 culhieraa a sopa de farina, 1 pichòt veire a mostarda de vin blanc sec, 1 veire de bolhon lèu fach, 1 quilò de navets, sau e pebre.

• Oliar una coquèla de fonta esmalhaa, depausar la caneta, botar dins lo forn chaud (200°) pendent 20 minutas (sens cubercelar).
• Ajotar las escalonhas e l’alhet quartejats e tanben la frigoleta. Salar e laissar encara 10 minutas.
• Tirar la coquèla dau forn, tirar la caneta, l’alhet, las escalonhas e la frigoleta. Getar la graissa renduá ne’n gardar solament que 2 culhieraas a sopa.
• Botar la coquèla sus lo fuòc, far revenir la farina, banhar daube lo vin blanc e lo bolhon lèu fach.
• Ajotar los navets pelats, copats en cubes e cuèits per avans, 12 minutas a la vapor. Ajotar tanben, la frigoleta, l’alhet e las escalonhas esquichats, mesclar.
• Descopar la caneta, depausar los morsèls sus los navets, cubercelar la coquèla, tornar enfornar 25 minutas a 200°. Portar la coquèla sus la taula

Totas las recèptas de polalha

Totas las recèptas de novembre

Français