LO CARDON AU MIÒLONPASTENALHAS AU LARD

LOS ESPINARCS

Chau : 3 liuras d’espinarcs, 3 noses de burre, 1 culhieraa a sopa acuchaa de farina, 1/4 l. de lait, 5 culhieraas a sopa de crèma, sau e pebre. Per la garnitura : 2 uòus ronds quartejats, 3 peças de pan molet quartejaas, 3 culhieraas a sopa d’òli de vira-solelh, 1 nose de burre.

• Triar e lavar los espinarcs.
• Far blanchir 5 minutas dins d’aiga bolhenta.
• Esgotar, esquichar e chaplar.
• Far fondre lo burre dins una coquèla en fonta esmalhaa, far revenir un momenton lo chapladís d’espinarcs.
• Saupodrar daube la farina, banhar daube lo laít, salar e pebrar.
. Cubercelar e laissar mitonar plan planet sus fuòc ben doç 15 a 20 minutas. Borlar de temps en temps.
• Far chaufar l’òli e mai la nose de burre dins una padèla, fricassar los crostets.
• 5 minutas davant de servir botar la crèma dins los espinarcs.
. Botar los espinarcs dins un plat de servici, garnir daube los quartièrs d’uòus e los crostets.

Es un plat de fèsta, per reçaupre. Levat la garnitura, aquela preparacion pòt servir per far una deliciosa crostada. Per aquò prene solament 1 quilò d’espinarcs, versar la preparacion sus una crosta de pasta brisaa cuèita a blanc e enfornar 20 minutas a 180°. A la prima, remplaçar los espinarcs per de risòlas, d’acampar dins la campanha davant la florida.

Totas las recèptas de legumes

Totas las recèptas de tot l’an

Français