LO PANTENLA PONHA

LOS UÒUS A LA NÈU

Chau : 4 uòus,1/2 litre de lait, 75 gramas de sucre, 1 baston de vanilha.

• Far bolhir lo lait daube lo baston de vanilha dubèrt per laissar escampar las pichòtas granas.
• Travalhar los jaunes d’uòus daube lo sucre fins que lo mescladís blanchisse.
• Tirar lo baston de vanilha e versar docetament lo lait ben chaud sus lo mescladís de davant.
• Versar la preparacion dins una casseiròla e far espessir sus fuòc doç en foetant de contunh sens laissar bolhir. Voidar dins una jata, foetar encara durant quauquas minutas.
• Montar los blancs d’uòus en nèu ben ferma. Daube doas culhieras a sopa formar un « uòu » de blanc, far tombar dins un litre d’aiga fremissenta mas pas bolhenta. Laissar cuèire 15 secondas de chasque costat. Tirar daube l’escumeta e esgotar sus un torchon o de papièr pompaire.

Fin finala :
• Dispausar los blancs sus la crèma
• Daube lo pica-fuòc rogit a la flama e un morsèl de sucre, far tombar quauquas perletas de caramèl sus los blancs o saupodrar de tròcilhons de pralinas ròsas o de granilhas de chocolat.

Totas las recèptas de dessèrts

Totas las recèptas d’abriu

Français