LO FLAN CARAMELISATLOS UÒUS A LA NÈU

LO PANTEN

Chau : 1 liura de farina, 150 gramas de burre, 200 gramas de sucre en podra, 2 uòus + 1 per daurar, 1 pinçaa de sau, 1 saqueton de levura, 3 iranges pas droguejats, 1 citron pas droguejat.

• Pelar iranges e citron, botar las escòrças dins una casseiròla, recubrir d’aiga, far cuèire. Quand son cuèitas, passar a la molineta a legumes. Tornar botar dins la casseiròla daube l’aiga de cuèisson mai 100 gramas de sucre. Laissar cuèire plan planet, deu pas ges restar d’aiga.
• Laissar refresir.
• Dins un saladièr, botar la farina, la levura, mesclar, far puèi una font, i botar la marmelada d’escòrças, 2 jaunes d’uòus, 100 gramas de sucre, la sau, lo burre amolit. Pastar ben daube las mans.
• Estalar leugierament la pasta au rotlèu e façonar un panten (Soïsse). Daurar au jaune d’uòu e botar de rasims secs o de grans de cafè per marcar los uèlhs e los botons de la vesta. Botar sus una placa a forn burraa e far cuèire 45 minutas a 190°.

Gatèu dau dimenche daus Rampaus que se minja en fasent sauçon dins lo cafè.

Totas las recèptas de dessèrts

Totas las recèptas de març

Français