TÈSTA EN SALADAGIGÒTS ROSTITS

LA TRAMBLETA

Per uèit convivas, chau : 1 quilò 800 d’espanla e de costeletas de cabrit copaas en morsèls, 1 pè de caion salat copat en uèit, 1 gròssa ceba, 4 fuèlhas de laurièr, 6 branchilhas de frigoleta, 3 clavèls de giròfle, 2 venas d’alhet, 2 veires de vin blanc, 3 litres d’aiga, sau e pebre

• Botar lo pè de caion dins una ola, recubrir d’aiga freda, chaufar. Au promier bolh esgotar (per levar la sau). Puèi:
• Botar lo pè de caion, la ceba picaa daus clavèls de giròfle, lo laurièr, la frigoleta e l’alhet dins una granda ola. Banhar daube lo vin blanc e l’aiga. Far cuèire plan planet 45 minutas.
• Ajotar los morsèls de cabrit. • Tornar cuèire docetament pendent 45 minutas.
• Rectifiar l’assasonament (sau e pebre).
• Tirar los morsèls de cabrit e de pè de caion, renjar dins un plat cres.
• Passar lo bolhon per dessús la vianda.
• Far refresir 24 oras dins lo refregidor. Servir fred daube de cornissons a la debuta dau repas. Es una intraa

Povètz desossar la vianda cuèita, la botar dins un motle a « cake » lo bolhon passat per dessús, far refresir 24 oras. Servir desmotlat e copat en tranchas sur de fuèlhas de salada. Es un biais de far mai « dins lo vent » mas mens autentic

Totas las recèptas de cabrit

Totas las recèptas de abriu

Français