PÈS E PAQUETS A L'ARDECHÈSACOSTELETAS D'ANHÈL A L'ARDECHÈSA

RAGOST D’ANHÈL AUS CESES

Chau : 600 gramas d’espanla d’anhèl copaa en morsèls, 1 quilò de colar d’anhèl copat en morsèls, 2 cuilheraas a sopas d’òli d’oliva, 2 cebas, 1 vena d’alhet, 2 fuèlhas de laurièr, 2 branchilhas de frigoleta, 2 tomatas freschas o congelaas, 1/4 de l. de bolhon lèu fach, 500 gramas de ceses cuèits à l’aiga, sau e pebre

• Dins la còcòta minuta, far chaufar l’òli.
• Far revenir la vianda.
• Salar.
• Garar la vianda, getar la graissa, ne’n gardar que 2 culhieraas a sopa.
• I far revenir sens laissar cramar, las cebas e l’alhet menusats.
• Ajotar las tomatas pelaas e desgranaas, lo laurièr e la frigoleta.
• Banhar daube lo bolhon lèu fach.
• Tornar botar los morsèls de vianda, sarrar la còcòta, far cuèire 20 minutas.
• Dubrir la còcòta, transvasar dins una cassòla en terre.
• Ajotar los ceses, verifiar l’assasonament, cubrir la cassòla.
• Botar dins lo forn chaud (190°) 25 minutas. Portar la cassòla sus la taula.

Los ceses se pòvan remplaçar per de favas o de faiòus secs cuèíts a l’aiga o encara per 600 gr. de tartifles (Bintje o Charlotte) de far cuèire daube la vianda

Totas las recèptas de anhèl

Totas las recèptas de tot l’an

Français